vendredi 28 mai 2010

عمار ...مات


ما تخافوش عمار ميزال حي
الي نقصدو بـــمات هو
(Math)
لقيت هاكل مرة بالصدفة كراسة متاع المات الي قرا باها عمار 404
أماهو المشكلة متاع عمار 404 كونو ضعيف في الحساب
و قواعد الرياضيات كانت تمثلو عائق كبير باش يتقدم و يوصل للأهداف النبيلة متاعو
عاد آش عمل
كل قاعدة متاع مات عمللها ترجمة بطريقتو الخاصة
نشوفو صفحة من صفحات كراسة المات متاع عمار 404

vendredi 14 mai 2010

الحظ

وجدت هذه القصة الصينية في أحد المواقع الصينية و قمت بترجمتها

-----------------
فوق تلال غابة نائية كان يعيش رجل شيخ مع ابن له وجواد .. ففي ذات صباح هرب الجواد واختفى .. فأقبل الجيران على الشيخ يعزونه في نكبته بفقد جواده.. فقال لهم الشيخ:

- وما أدراكم أنها نكبة؟

فصعقوا .. وانصرفوا واجمين.. ولم تمض أيام حتى عاد الجواد إلى صاحبه من تلقاء نفسه، لا وحده ، بل مصطحباً معه عديدا من الخيول البرية .. فعاد الجيران إلى الشيخ فرحين مهنئين بهذا الغنم الوفير، وهذا الحظ السعيد.. فنظر اليهم الشيخ بهدوء وقال:

- وما أدراكم أنه حظ سعيد؟

فسكتوا مذهولين .. وانصرفوا متحيرين .. ومرت الأيام وجعل ابن الشيخ يروض الخيول البرية.. فامتطى منها جواداً عنيداً ، فسقط من فوق صهوته إلى الأرض، فكسرت ساقه، فرجع مرة أخرى إلى الشيخ محزونين، يبثونه الألم لما وقع لولده، ويعزونه في هذا الحظ العاثر...

فقال لهم الشيخ برفق:

- وما أدراكم أنه حظ عاثر؟

فانصرفوا صامتين.. ومضي العام، وإذا حرب تقوم.. وجند الشباب، وأرسلوا إلى الميدان، فلاقى أكثرهم الحتف إلا ابن الشيخ.. فإن العرج الذي بقدمه أعفاه من الذهاب إلى الحرب ، وأنقذه من ملاقاة الموت!

---------------------------

انتهت القصة
لكن حان الوقت لكي نفكر في أنفسنا
هل نحن محظوظون أم ير محظوظين؟

mercredi 5 mai 2010

جودة الحياة 2 : اللهجة التونسية

بسم الله الرحمان الرحيم
هاذي مقالة كتبتها عندي برشة (وقتلي كنت نافحة) في إطار الحملة متاع المطالبة بتخفيض الأسعار متاع المكالمات الهاتفية
نحب نعاود ننشرها في إطار جديد : جودة الحياة, و ذلك بمناسبة دخول البرتقاليين لبلادنا العزيزة تونس
------------------------

علاش اللهجة التونسية موش مفهومة؟؟
و علاش مسلسلاتنا ماهيش منتشرة كيما المسلسلات المصرية و إلا السورية؟
و علاش العلاقات متاعنا فاها برشة فتور و صحة رقعة ؟؟
علاش التونسي تحسو افبري كيما الــ3310 كيف يتكلم , اتقولش عليه ثمة آشكون في جرتو
آش كون المسؤول على هل الشي هاذا؟
بالله خلييونا نجربو حاجة
مثلا واحد ماهوش تونسي باش يطلب واحد صاحبو ماهوش تونسي زادا, كيفاش باش يتكلمو؟
موش تونسي 1: السلام عليكم
موش تونسي 2: و عليكم السلام و رحمة الله و بركاته
موش تونسي 1: شو حالك يا أخ العرب , هل أنت بخير؟
موش تونسي 2: الحمد لله على كل حال , أنا بخير
موش تونسي 1:شو حال خوك محمد هل اشترى السيارة الجديدة؟
موش تونسي 2:الحمد لله لقد اشترى الهامر السوداء, كله من فضل ربي
موش تونسي 1:الفضل لله, و كيف حال صديقنا ثامر , لم أره منذ فترة طويلة
موش تونسي 2:ثامر يعمل في شركة البترول الآن و اشترى فيلا جديدة
موش تونسي 1:الحمد لله
موش تونسي 2:الحمد لله
موش تونسي 1:هل سمحت لي بلحظة , فهناك من يدق على الباب و سأفتح له , لا تعلق أرجوك
موش تونسي 2:حاضر خذ كامل وقتك
"صمت لدقيقتين و نصف"
موش تونسي 1:احرز من معي الآن؟
موش تونسي 2:من ؟؟
موش تونسي 1:لا , عليك أن تحاول
موش تونسي 2:مصطفى؟
موش تونسي 1:لا
موش تونسي 2:علي؟
موش تونسي 1:لا
موش تونسي 2:عمر؟
موش تونسي 1:لا
موش تونسي 2:فريد؟
موش تونسي 1:لا
موش تونسي 2:عطوان ؟
موش تونسي 1:لا
موش تونسي 2: سمير
موش تونسي 1:أحسنت لقد وصل للتو من رحلته الصيفية من باريس
موش تونسي 2: كيف حالو و كيف أخبارو؟ هاتو يا أخي هاتو
سمير ماهوش تونسي 1:أهلا كيف حالك
موش تونسي 2: الحمد لله , هيك ترحل من غير ما تخبرنا؟؟
سمير ما هوش تونسي : سامحني يا أخي لقد ...

قصت المكالمة على خاتر الشارج متاع برتابل موش تونسي 2 وفا , أما راهم كانو انجمو اكملو يحكييو للصباح و من غير لا يعملو option متاع التيلكوم و الا التونيزيانا
حسب رايكم قداش قعدو يتكلمو؟
ما تنساوش راهم ما هومش توانسة
نص دقيقة ؟؟
لا
دقيقة؟
زيد
زوز دقايق ؟
هكاكة محسوب (دقيقتين و نص بالضبط)
نزيدوهم دقيقتين و نص متاع الصمت
يطلعو 5 دقايق : درج و هوما يحكييو في 140 كلمة
قداش اخلص زعمة الموش تونسي 1 (هو الي طلب)
محسوب 225 مليم
درج كامل = 225 مليم ؟؟؟
اينعم ما هومش في تونس راهم
ما هوش موضوعنا هاذا
يلعن بوها الفلوس
خلينا نشوفو زوز صحاب توانسة كيفاش باش يحكييو:

التونسي 1 : بربي اطلبني تو تو

التونسي 1 علق(ما عندوش برشة من وسخ الدنيا)
المكالمة دامت أقل من ثانية
خلص علاها 55 مليم
أي نعم 55 مليم
إذا كانت الدقيقة = 220 مليم
و النبضة = 15 ثانية
يعني كيما تتكلم ثانية كيما تتكلم 15 ثانية تخلص كيف كيف
يلعن بوها الفلوس, ما هي إلا وسخ دار الدنيا
الفايدة في صحة اللبدان
الفلوس تجيبها الرجال
الفلوس تمشي و تجي .... إلخ إلخ
و زيد ماهوش موضوعنا هاذا
نرجعو للصحيح
بالله شوفو هاكل زوز متاع بكري: السلام عليكم
و اللوخر رد عليه و عليكم السلام و رحمة الله و بركاته
أنا يظهرلي 10 بالميا من التوانسة يبداو بالسلام (من غير عليكم)
و 1 مل ألف هاكاهو إردو السلام بالكامل( و عليكم السلام –من غير و رحمة الله و بركاته--)
إذا الكلام خذا زوز دقايق و نص من الوقت
يعني 150 ثانية
و تكلمو محسوب 140 كلمة
الكلمة موش تقعد محسوب ثانية؟
آش يعني ؟؟
يعني يتكلمو بأقل من راحتهم
عندهم الوقت الكامل باش اكونو متربين و باش يسألو على صحابهم و باش حتى يقعدو ساكتين إذا أيحبو
ما يدبر فيهم حد
و شوفو هاكل زوز توانسة , إلي ما حكا فيهم كان واحد برك و لتو يستنى في تلفون صاحبو( عريان مع عريان ما يتلاقاو كان في الحمام)
لا سلام و لا كلام
ما هيش قلة تربية هاذي؟
و حتى لوكان طول في الهدرة, راهو طلب منو قضية
4 كلمات = 1 ثانية
4 كلمات اخلص عليهم 55 مليم؟؟
يلعن بو وسخ دار الدنيا
عادي ياخي ؟؟
في ثانية نتكلمو 4 كلمات؟؟
آش كون من الشعوب و الأقوام الأخرى ملي تنطق كلمة كل ثانية باش يفهمنا ؟؟
تي ممكن طبلة وذانهم تتنقب إذا قعد يسمع فينا درج كامل
و بعد انقولو آش بي لهجتنا ما هيش مفهومة؟؟
بالطبيعة إذا أحنا ما ناش كيف ساير خلق ربي
و حسب رايكم آش كون المسؤول في تدهور و تزفيت و تقزيم اللهجة التونسية؟؟
آني مانيش باش نجاوب و المجراب تحكو مناكبو

mardi 4 mai 2010

جودة الحياة

بالله ما فهمتش آني آش معناها جودة الحياة

و علاش وين اقولو جودة حياة يربطوها بالمناطق الخضراء؟

ياخي أحنا في العراق و إلا أفغانستان؟

و إلا يمشيشي في بالهم كونا رسلة غنم؟

و الله موش لوكان نقصو شوية في أسوام المواد الأساسية, و عطاو للموظف حقو الي هو يمثل الطبقة المتوسطة و عماد المجتمع, موش خير

علاش ما يعطيوش الحق لكل تونسي كيلو لحم في الشهر بلاش؟

و إلا نص خبزة في النهار بلاش

و الا حتا حارة عظم في الجمعة بلاش

علاش ما نستغلوش الاراضي القاحلة و نزرعوها حتا بالبصل

علاش ما نعملوش الإكتفاء الذاتي متاعنا في الحمص و الفول على القليلة النفخان يتم بهواء محلي الصنع

علاش ما يعطيوش منحة للشباب الي احب يعرس

علاش ما يبنيوش عمارات ليلهم و يكريولهم بأسوام رمزية؟

علاش

علاش ما انحيوش الكتافات و يولي المؤهل العلمي و الكفاءة المهنية هو المقياس في التشغيل؟

علاش ما يقوموش بمقاضاة عمار 404 بتهمة انتحال شخصية الغير لأنو في الحقيقة هو عمار 403 متخفي في 404

علاش ما يقوموش بإعدام عمار 404 بتهمة قصان الألسنة و التسبب في إعاقات مستديمة للشعب التونسي.

علاش ما يحرقوشي و يسودولو وجهو كيما سود وجه تونس على الخريطة الانترنتية

وين الحرية

وين المساواة

وين الحق في العمل

وين الحق في الأجر المناسب؟

وين الحق في ممارسة حياة جنسية طبيعية

هاذي هي جودة الحياة موش حزمة سلق و ربطة معدنوس

lundi 3 mai 2010

عمار بوزور VS عمار 404

المقالة هاذي لقيتها على الطاير بالصدفة , كتبتها صاحبة المدونة المحجوبة

ounormal.blogspot.com

عجبتني حبيت نحطها و نشارك الناس فاها

----------------------

مقهى الحومة البلوقسفارية. مدونين هنا و هناك. فما منهم شكون يلعب في الشكبة, جماعة تلعب في الرامي, جماعة تشيش و اخرين يتحدثوا بين بعضهم. يدخل الجاندارمي.

الجاندارمي : السلام عليكم ...

الناس الكل تقحرلوا و ما يردوش عليه السلام. يتلفت الى حسين في الكونتوار.

الجندارمي : شفت ملا مستوى منحط ... ما عندهمش ادنى اداب الحوار ... و من بعد يجيوا يحبوا يطعنوا في المكاسب و الرهانات الي نخوضوا فيهم ... كيما يقول سيدي برهان و سيدي بن نصيب.

واحد من الحاضرين يقلد صوت الجاندارمي و هو يعاود "المكاسب و الرهانات" ... الكل يتطرشقوا بالضحك, يتلفت الجاندارمي, يدنكسوا روسهم و يحاولوا يخبيو ضحكتهم الي قعدت ضاهرة.

الجندارمي : ايه اضحكوا ... اضحكوا ... هاو جاي ...سيدنا عمار 404 و تو يفهمكم شنوة معناها الضحك ... الاما يمحيكم من على وجه الأرض ... الاما يعمل فيكم

صوت خارجي يغني " و الله ما كادوني ...ستين درجة في العلى ما كادوني ... ما كادني كان الكلام الدوني" يدخل عمار بوزور .

الي كان يشيش ما عادش يشيش و الي يلعبوا في الكارطة ينحيوا الكارطة و الي يتحدثوا يسكتوا و يخزروا لعمار بوزور متهللين.

مدون 1 : يا عمار يا وليد عمي ... تي هاك جيت ...

ع.بوزور : اهلا اهلا بأهلي و ناس ...

عمار يبدى يسلُم بالبوس على رواد المقهى يخلط للجاندارمي الي يتقدم بش يبوس. عمار يهزوا و يحطوا

ع.بوزور : اذهب ... خازوق

الجاندارمي : أمان عمار ؟

ع.بوزور : اذهب قود ...

المدونين يتضيحكوا ...يتشجع واحد منهم و يتوجه للجندارمي.

المدون 2 : ايه نعم ... تذهب تقود

يتلفت عمار لهاك المدون ...

ع.بوزور : تي هاك تسرُحت في الحديث ...سي الشباب ...

المدون : أمان يا عمار ؟ ... أنا ديما كلمتي نقولها ...

ع.بوزور : بالله ؟ امالا وينك وقت الي الكرتوش يخيُط

المدون يدنكس راسه.

المدون : كنت لاهي ... يا عمار

ع.بوزور : بالله ؟ ايه شبيه ... و أنت سي فلان ... الي زعمة تضرب تصرع في التدوين ... و عاملينلك زعمة طاولة و كراسي ؟ وين كنت وقت الي زميلتك في يدين ال404 ؟

المدون 3 : أنا ؟ .... أنا ... كنت في الخارج ...

ع.بوزور : ايه ممكن ... هو سي سور ...كنت خارج الموضوع ... و أنت يا سي ... متاع الايديولوجيا ... كنت في الخارج زادة ؟

المدون 4 : تشديت في برشة خدمة ... شبيك ؟ مش عاجباتك الايديولوجيا .. عمار ؟

ع.بوزور : تي هذه مش أيديولوجيا .... هذه ... ايدو في ايد خوه..لوجيا ... زعمة علاش كيف الكرتوش يخيط الكلكم وليتوا لاهيين ... و هاو توة رجعتوا اتطلعوا في ريوسكم واحد وراء واحد ... و انت ... وينو هو ... اه أهوة ... انت متاع "لن يمروا"

المدون : ايه نعم ..لن يمروا ...

ع.بوزور : تي هاو مروا ... وين كنت وقتلي مروا ؟

المدون : و الله لا فقت بيهم وقت الي مروا يا عمًار ... تو المرة جاية لن يمروا

ع.بوزور : ان شاء الله ما يحطوكش حارس مرمى الفريق القومي ...

الجاندارمي : شفت يا عمُار ... راهو الكله تقشقيش حناك

ع.بوزور : كيف الي سمعت حاجة تكلمت يا جماعة ... ما يطلعش هذا" الواطي ناي" الي كيف تشدت زميلته قالك نخليو الامور تمشي هكة ... و قال ماذابيه كان يتسكروا مدونات اخرين ؟

الجاندارمي : من فضلك سي بوزور احترم نفسك ... نجيبلك راهو عمار 404 ... و كيف ما يقول سيدي برهان ...

ع.بوزور : لا برهان و لا دليل ... ايجى لحظة نحكي معاك كلمتين ... تي مانا عاد جيران .. و محسوب نسكنوا فرد بلاصة

الجندارمي ينصاع الى عمار بوزور ... ويمشي معاه

ع.بوزور : تي ماهو عاد البلاد صغيرة و ما يتخبى شي ... حكالي واحد يعرفك مليح مليح الي انت كانت مش ماشية معاك الأمور ... و قلتلوا من بوم الي دخلت للدوالب هذية ... الي نسميها أنا الطحين .. و انت سميها اش تحب ... قلتله الي الامور ولات ماشية سانك سانك ... و البيبان الكل تحلت في وجهك ... و زدت قلتله الي هذايا اسهل طريق بش الواحد "يوصل"

الجندارمي : أنا قلت ؟ باللازمة يا ولد بوزور ... الاما نحرش بيك سيدي عمار 404

ع.بوزور : حرش الي تحب ... و زيده من عندي ... الي و الله يعمل اش يعمل ... نمشيوا احنا يجيوا اخرين ... ايماننا بالحرية ... و حبنا لبلادنا أقوى منك و من ألف كيفك ...

المقالة هاذي لقيتها على الطاير بالصدفة , كتبتها صاحبة المدونة المحجوبة

ounormal.blogspot.com

عجبتني حبيت نحطها و نشارك الناس فاها

----------------------

مقهى الحومة البلوقسفارية. مدونين هنا و هناك. فما منهم شكون يلعب في الشكبة, جماعة تلعب في الرامي, جماعة تشيش و اخرين يتحدثوا بين بعضهم. يدخل الجاندارمي.

الجاندارمي : السلام عليكم ...

الناس الكل تقحرلوا و ما يردوش عليه السلام. يتلفت الى حسين في الكونتوار.

الجندارمي : شفت ملا مستوى منحط ... ما عندهمش ادنى اداب الحوار ... و من بعد يجيوا يحبوا يطعنوا في المكاسب و الرهانات الي نخوضوا فيهم ... كيما يقول سيدي برهان و سيدي بن نصيب.

واحد من الحاضرين يقلد صوت الجاندارمي و هو يعاود "المكاسب و الرهانات" ... الكل يتطرشقوا بالضحك, يتلفت الجاندارمي, يدنكسوا روسهم و يحاولوا يخبيو ضحكتهم الي قعدت ضاهرة.

الجندارمي : ايه اضحكوا ... اضحكوا ... هاو جاي ...سيدنا عمار 404 و تو يفهمكم شنوة معناها الضحك ... الاما يمحيكم من على وجه الأرض ... الاما يعمل فيكم

صوت خارجي يغني " و الله ما كادوني ...ستين درجة في العلى ما كادوني ... ما كادني كان الكلام الدوني" يدخل عمار بوزور .

الي كان يشيش ما عادش يشيش و الي يلعبوا في الكارطة ينحيوا الكارطة و الي يتحدثوا يسكتوا و يخزروا لعمار بوزور متهللين.

مدون 1 : يا عمار يا وليد عمي ... تي هاك جيت ...

ع.بوزور : اهلا اهلا بأهلي و ناس ...

عمار يبدى يسلُم بالبوس على رواد المقهى يخلط للجاندارمي الي يتقدم بش يبوس. عمار يهزوا و يحطوا

ع.بوزور : اذهب ... خازوق

الجاندارمي : أمان عمار ؟

ع.بوزور : اذهب قود ...

المدونين يتضيحكوا ...يتشجع واحد منهم و يتوجه للجندارمي.

المدون 2 : ايه نعم ... تذهب تقود

يتلفت عمار لهاك المدون ...

ع.بوزور : تي هاك تسرُحت في الحديث ...سي الشباب ...

المدون : أمان يا عمار ؟ ... أنا ديما كلمتي نقولها ...

ع.بوزور : بالله ؟ امالا وينك وقت الي الكرتوش يخيُط

المدون يدنكس راسه.

المدون : كنت لاهي ... يا عمار

ع.بوزور : بالله ؟ ايه شبيه ... و أنت سي فلان ... الي زعمة تضرب تصرع في التدوين ... و عاملينلك زعمة طاولة و كراسي ؟ وين كنت وقت الي زميلتك في يدين ال404 ؟

المدون 3 : أنا ؟ .... أنا ... كنت في الخارج ...

ع.بوزور : ايه ممكن ... هو سي سور ...كنت خارج الموضوع ... و أنت يا سي ... متاع الايديولوجيا ... كنت في الخارج زادة ؟

المدون 4 : تشديت في برشة خدمة ... شبيك ؟ مش عاجباتك الايديولوجيا .. عمار ؟

ع.بوزور : تي هذه مش أيديولوجيا .... هذه ... ايدو في ايد خوه..لوجيا ... زعمة علاش كيف الكرتوش يخيط الكلكم وليتوا لاهيين ... و هاو توة رجعتوا اتطلعوا في ريوسكم واحد وراء واحد ... و انت ... وينو هو ... اه أهوة ... انت متاع "لن يمروا"

المدون : ايه نعم ..لن يمروا ...

ع.بوزور : تي هاو مروا ... وين كنت وقتلي مروا ؟

المدون : و الله لا فقت بيهم وقت الي مروا يا عمًار ... تو المرة جاية لن يمروا

ع.بوزور : ان شاء الله ما يحطوكش حارس مرمى الفريق القومي ...

الجاندارمي : شفت يا عمُار ... راهو الكله تقشقيش حناك

ع.بوزور : كيف الي سمعت حاجة تكلمت يا جماعة ... ما يطلعش هذا" الواطي ناي" الي كيف تشدت زميلته قالك نخليو الامور تمشي هكة ... و قال ماذابيه كان يتسكروا مدونات اخرين ؟

الجاندارمي : من فضلك سي بوزور احترم نفسك ... نجيبلك راهو عمار 404 ... و كيف ما يقول سيدي برهان ...

ع.بوزور : لا برهان و لا دليل ... ايجى لحظة نحكي معاك كلمتين ... تي مانا عاد جيران .. و محسوب نسكنوا فرد بلاصة

الجندارمي ينصاع الى عمار بوزور ... ويمشي معاه

ع.بوزور : تي ماهو عاد البلاد صغيرة و ما يتخبى شي ... حكالي واحد يعرفك مليح مليح الي انت كانت مش ماشية معاك الأمور ... و قلتلوا من بوم الي دخلت للدوالب هذية ... الي نسميها أنا الطحين .. و انت سميها اش تحب ... قلتله الي الامور ولات ماشية سانك سانك ... و البيبان الكل تحلت في وجهك ... و زدت قلتله الي هذايا اسهل طريق بش الواحد "يوصل"

الجندارمي : أنا قلت ؟ باللازمة يا ولد بوزور ... الاما نحرش بيك سيدي عمار 404

ع.بوزور : حرش الي تحب ... و زيده من عندي ... الي و الله يعمل اش يعمل ... نمشيوا احنا يجيوا اخرين ... ايماننا بالحرية ... و حبنا لبلادنا أقوى منك و من ألف كيفك ...

samedi 24 avril 2010

المدينة الفاضلة 1: في الطريق إلى العمل

صباح النور
صباح الورد
صباح الفل و الياسمين
صباح الخير سيدي
تلك هي ترنيمتي المعتادة و المفضلة كل صباح و أنا في طريقي إلى العمل تلاحقني ابتسامة و قبلات زوجتي الحنون
كانت زحمة السير في أوجها حين غادرت المنزل, و كالمعتاد كانت السيارات تنزاح ذات اليمين مفسحة لي المجال كي اجتاز طابور السيارات
و كنت مع مروري جنب كل سيارة , تصل إلى أذني نفس تلك الترانيم : صباح النور , صباح الورد , صباح الفل و الياسمين. و كانت الإبتسامات و نظرات الإجلال و الإكبار تنهال علي من كل حدب و صوب
كان يوما عاديا كمثل ما سبقه من أيام و ما قد يلحقه من أيام, و لم يكن ما قد يميزه غير أنه أول أيام الأسبوع و كوني مفعم حيوية و نشاطا و متشوقا للوصول إلى العمل باكرا كي أؤدي رسالتي على أكمل وجه.
كانت دورية الشرطة في مكانها عند المنعطف مع آلة الرادار ككل يوم , متصيدين كل من تسول له نفسه مخالفة قانون السير و اجتياز السرعة المسموح بها داخل مناطق العمران و تعريض الآمنين من المواطنين للخطر. كانت سلامة المواطن فوق كل اعتبار و خطا أحمر لا يسمح لأحد بتجاوزه , كما و قد كان التفاني و الإخلاص في العمل يجري في عروق كل شرطي حتى النخاع, حتى أني أتذكر كيف تم سحب رخصة سيق رئيس البلدية منذ بضعة أيام لمجرد تجاوز السرعة القانونية ببضعة أرقام, و كيف تم اعتقال رئيس الإقليم بتهمة استعمال الهاتف الجوال أثناء السياقة الأسبوع الفارط, و لم يشفع لهما مركزيهما الإجتماعي و لا سلطتيهما من المثول أمام القضاء و نيل ما يستحقانه من العقاب.طبعا كانت هناك استثناءات , ككل قانون , و كنت أنا ضمن المستثنيين, فما أن رأوا سيارتي الـــبي آم دوبل في إكس 6 قادمة مهرولة حتى وقفوا و اصطفوا على قارعة الطريق و خلعوا قبعاتهم مقدمين لي تحية عسكرية إجلالا و إكبارا
ما زلت أتذكر ذلك اليوم الذي اشتريت فيه سيارتي, يومها كنت أحتفل بمرور عام و نصف من الالتحاق بعملي. دعوت زوجتي لقضاء يوم في إحدى الفنادق و التسوق بالمحلات , فقد كانت أفضل هواياتها. يومها تم إيقافي بسبب إفراطي في السرعة , أتذكر كيف حياني الشرطي رادا التحية بأحسن منها , و طلب مني رخصة السياقة و أوراقي الثبوتية. أتذكر كيف ارتبك و احتقن الدم في وجهه حين قرأ خانة المهنة, فلم يكن له غير أن بدأ في التأتأة محاولا أن يقدم لي اعتذاره لما سببه لي من ازعاج و تأخير. أخبرته بأن ليس عليه الإعتذار و أنه كان يقوم بعمله على أحسن وجه. إلا أنه كان مستاءا من فعلته مصرا على الإعتذار , خائفا من أن أقدم به شكوى لمرؤوسيه , فما فعله جرم لا يغتفر في القانون التونسي , جرم في حقي و حق كل من يمتهن مهنتي و في حق كل الشعب التونسي. أصر حينها على يصحح خطأه و ذلك بأن هــيء لي سيارة شرطة تفسح لي الطريق حتى أبلغ مقصدي , كما قدم لي ملصوقة طلب مني الصاقها على يمين بلور السيارة كي تكون ظاهرة و لا أتعرض للإيقاف مرة أخرى. قمنا يومها بتبادل أرقام الهاتف على أن يدعوني لفنجان من القهوة بعد الدوام.
لم يمض على الخروج من المنزل غير ربع ساعة و ها أنا أركن سيارتي داخل ملجئ السيارات متجها مع بعض الزملاء إلى قاعة الإجتماعات حيث كان رئيس عملي ينتظرنا بإبتسامة أب . لم يبق من الوقت غير نصف ساعة كي نبدأ العمل...

أكمل البقية في المدينة الفاضلة 2